რა რეაქცია ჰქონდა მესის, როცა გაიგო, რომ "რეალთან" თამაში მოუწევდა

ჩემპიონთა ლიგის მერვედფინალური ეტაპის წილისყრა, რომელიც გასული წლის დეკემბერში ჩატარდა, ძალიან დიდხანს ემახსოვრებათ - წილისყრისას დაშვებულმა შეცდომებმა მისი პირველადი შედეგები გააუქმა და წილისყრის ხელმეორედ ჩატარება გახდა საჭირო.

თუ ABC-ს ვენდობით, თავიდან ჩატარებული პროცედურის შედეგებით ყველაზე კმაყოფილნი "პარი სენ ჟერმენში" დარჩნენ, რადგან მათ მადრიდის "რეალთან" შეხვედრა
გაუხარდათ.

წყაროს თანახმად, ფეხბურთელთა შორის ერთ-ერთი ყველაზე მოხარული ლიონელ მესი გახლდათ.

პარიზელთა ბანაკში არსებულ თვითრწმენას მათთან მესის ყოფნა და კილიან მბაპეს აღმავალი ფორმა ზრდის. ბუნებრივია, წილისყრის შედეგებზე ლეოს რეაქციამაც ამ
პროცესს მხოლოდ ხელი შეუწყო.

ოქროს ბურთის შვიდგზის მფლობელის მოტივაციაზე მოქმედებს ისიც, რომ მიმდინარე სეზონს ის თავისთვის მეხუთე ჩემპიონთა ლიგის მოსაგებად საუკეთესო
შესაძლებლობად მიიჩნევს.

ცნობისთვის, "პსჟ" - "რეალის" მერვედფინალური ჯახის პირველი მატჩი სამშაბათს, 15 თებერვალს, 23:55 საათზე დაიწყება.