პსჟ-ს ექს-ფეხბურთელი: "აგვისტოში მბაპეს რეალში წასვლის ალბათობა 99%-ს აღწევდა, ახლა კი 65%-ია"

"პარი სენ ჟერმენის" ყოფილმა ფეხბურთელმა, ჟერომ როტენმა გუნდის თავდამსხმელის, კილიან მბაპეს "რეალში" ტრანსფერის შანსები შეაფასა.

"ჩემი ინფორმაციით, კილიან მბაპესა და "პსჟ"-ს შორის ურთიერთობა გაუმჯობესდა", - ციტირებს ვეტერანი ფრანგის სიტყვებს RMC.

"მისი წასვლის ალბათობა აგვისტოში 99%-ს აღწევდა. ახლა კი სიტუაცია იმდენად გაუმჯობესდა, რომ შანსები 65%-ს შეადგენს. აგრეთვე, როგორც გავიგე, სიტუაცია შეიძლება ნებისმიერ მომენტში შეიცვალოს".

"იმ მოსაზრებების თანახმად, რაც მე მოვისმინე, ჩემპიონთა ლიგაზე "რეალთან" დაპირისპირებაში წარმატებამ შესაძლოა პარიზელთა სასარგებლოდ ითამაშოს", - დასძინა როტენმა,

მოგეხსენებათ, 23 წლის ფრანგ სუპერვარსკვლავს "პსჟ"-სთან მოქმედი კონტრაქტის ვადა ზაფხულში ეწურება და ახალი ხელშეკრულების გაფორმებაზე უარს აცხადებს, ყოველ შემთხვევაში ჯერჯერობით მაინც.