"დარჩი დორტმუნდში, აქ ყველაფერი გაქვს განვითარებისთვის", - როისმა ჰოლანდს რჩევა მისცა

"დორტმუნდის" კაპიტანმა, მარკო როისმა გუნდის თავდამსხმელის, ერლინგ ჰოლანდის მომავლის შესახებ განცხადება გააკეთა.

– ჰოლანდმა რჩევა რომ გკითხოთ, რას ეტყოდით?

"ვეტყოდი: "დარჩი ჩვენთან, აქ ყველაფერი გაქვს განვითარებისთვის", - ციტირებს გერმანელის სიტყვებს Bild-ი.

"აქ შეუძლია ჩემპიონთა ლიგაზე ითამაშოს, გოლები გაიტანოს და იგრძნოს, რომ მაქსიმალურად აფასებენ", - დასძინა როისმა.

შეგახსენებთ, 21 წლის ნორვეგიელ სუპერვარსკვლავს ბორუსიელებთან მოქმედი ხელშეკრულების ვადა 2024 წლის 30 ივნისამდე აკავშირებს.