დაცვით რო დადიხართ და ავადმყოფ კაცს, რომ დასცინით რა ვაჟკაცობა? ვის მიმართავს ბესელია

კო­მენ­ტა­რე­ბი, რო­მელ­საც ჩვენ პარ­ლა­მენ­ტის დე­რეფ­ნე­ბი­დან ვის­მენთ, სა­ა­კაშ­ვი­ლის დაც­ვას ეხ­მა­რე­ბა , - ამის შე­სა­ხებ პარ­ტია "სა­მარ­თლი­ა­ნო­ბის­თვის“ ლი­დერ­მა, ეკა ბე­სე­ლი­ამ მმარ­თვე­ლი პარ­ტი­ის ლი­დე­რე­ბის მიერ სა­ქარ­თვე­ლოს მე­სა­მე პრე­ზი­დენ­ტის, მი­ხე­ილ სა­ა­კაშ­ვი­ლის ჯან­მრთე­ლო­ბის მდგო­მა­რე­ო­ბას­თან და­კავ­ში­რე­ბით გა­კე­თე­ბუ­ლი გან­ცხა­დე­ბე­ბის შე­ფა­სე­ბი­სას გა­ნა­ცხა­და.

ეკა ბე­სე­ლი­ას თქმით, დიდი ალ­ბა­თო­ბით სტრას­ბურ­გის სა­სა­მარ­თლო იტყვის, რომ მი­ხე­ილ სა­ა­კაშ­ვი­ლის საქ­მე­ზე ად­გი­ლი ჰქონ­და პო­ლი­ტი­კურ ზე­წო­ლას.

"სტრას­ბურ­გის სა­სა­მარ­თლო ყვე­ლა კო­მენ­ტარს მი­ი­ღებს, რო­მელ­საც პო­ლი­ტი­კო­სე­ბი სა­ა­კაშ­ვი­ლის საქ­მე­ზე აკე­თე­ბენ, ასე ვა­კე­თებ­დით ჩვენც, რო­დე­საც სტრას­ბურ­გში საქ­მე­ებს ვაგ­ზავ­ნი­დით. მსგავ­სი კო­მენ­ტა­რე­ბი, რო­მელ­საც ჩვენ პარ­ლა­მენ­ტის დე­რეფ­ნე­ბი­დან ვის­მენთ, რა თქმა უნდა, სა­ა­კაშ­ვი­ლის დაც­ვას ეხ­მა­რე­ბა. რო­დე­საც მმარ­თვე­ლი პარ­ტი­ის სპი­კე­რე­ბი ამ­ბო­ბენ, რომ "სი­მუ­ლა­ცი­აა, არა­ფე­რი ხდე­ბა, ელექტრო სი­გა­რეტს ეწე­ვა, ტი­მო­შენ­კოც სა­ვარ­ძლით და­დი­ო­და და ესეც მა­სა­ვით წა­მოხ­ტე­ბა“, ყვე­ლა კო­მენ­ტა­რი ამო­იჭ­რე­ბა და გა­იგ­ზავ­ნე­ბა სტრას­ბურ­გის სა­სა­მარ­თლო­ში და დიდი ალ­ბა­თო­ბით სა­სა­მარ­თლო იტყვის, რომ ამ საქ­მე­ზე პო­ლი­ტი­კუ­რი ზე­წო­ლა იყო“, - გა­ნა­ცხა­და ეკა ბე­სე­ლი­ამ.

ეკა ბე­სე­ლი­ას თქმით, "ქარ­თუ­ლი ოც­ნე­ბის“ თავ­მჯდო­მა­რეს, ირაკ­ლი კო­ბა­ხი­ძეს მი­ხე­ილ სა­ა­კაშ­ვი­ლის მი­მართ პი­რა­დი შუ­რის­ძი­ე­ბის მო­ტი­ვი არ აქვს, რად­გან "ნა­ცი­ო­ნა­ლუ­რი მოძ­რა­ო­ბის“ მმარ­თვე­ლო­ბის დროს სა­სათ­ბუ­რე პი­რო­ბებ­ში იყო.

"უბ­რა­ლოდ პო­ლი­ტი­კუ­რი დღის წეს­რი­გია, პერ­სო­ნა­ლუ­რი შუ­რის­ძი­ე­ბა რა­ტომ არ არის იცით? - კო­ბა­ხი­ძეს რა­ტომ უნდა ეჯავ­რე­ბო­დეს სა­ა­კაშ­ვი­ლი? რამე და­უ­შა­ვა მას? კო­ბა­ხი­ძეც, მდი­ნა­რა­ძეც, მა­თი­კაშ­ვი­ლიც, ესე­ნი ყვე­ლა ძა­ლი­ან სა­სათ­ბუ­რე პი­რო­ბებ­ში იყ­ვნენ, ქუ­ჩა­ში კი არ იდ­გნენ და ებ­რძოდ­ნენ სა­ა­კაშ­ვილს. თქვენ გგო­ნი­ათ რო­მე­ლი­მე გა­ბე­დავ­და იმ პე­რი­ოდ­ში ხმის ამო­ღე­ბას, ახლა რომ ასე ლა­პა­რა­კო­ბენ? წაქ­ცე­ულ ადა­მი­ან­ზე რომ ასე ქი­ლი­კობ, დას­ცი­ნი, მგო­ნია, რომ ყვე­ლა­ზე მდა­ბიო საქ­ცი­ე­ლია. ახლა რომ გა­მო­ვი­დე და ვთქვა, რომ ახია, რაც მის თავს ხდე­ბა, ხომ ვიქ­ნე­ბი სულმდა­ბა­ლი და პა­ტა­რა ადა­მი­ა­ნი? - მა­შინ იყო ამის გა­ბედ­ვა რთუ­ლი, ქუ­ჩებ­ში რომ ვი­დე­ქი და ტყვი­ებს გვეს­რო­და და არ ვი­ცო­დით ცო­ცხლე­ბი დავ­ბრუნ­დე­ბო­დით თუ არა სახ­ლში, თო­რემ ახლა რომ დგა­ხარ თა­ნამ­დე­ბო­ბი­დან, სა­სათ­ბუ­რე პი­რო­ბი­დან, დაც­ვით რომ და­დი­ხარ პარ­ლა­მენ­ტში, პარ­ლა­მენ­ტში რომ დაც­ვით და­დის სა­ში­ნე­ლე­ბაა, და­ა­ნე­ბოს თავი იმ დაც­ვას, პარ­ლა­მენ­ტში ვის გა­უ­გია დაც­ვით სი­ა­რუ­ლი, იქი­დან რომ ელა­პა­რა­კე­ბი ამ ავად­მყოფ სა­ა­კაშ­ვილს, რა ვაჟ­კა­ცო­ბაა ეს? დღეს არ მინ­და, რომ მას პო­ლი­ტი­კუ­რი შუ­რის­ძი­ე­ბით მო­ექ­ცნენ, რა მნიშ­ვნე­ლო­ბა აქვს ვის ექ­ცე­ვი შუ­რის­ძი­ე­ბით? გა­და­იყ­ვა­ნონ იმ სა­ა­ვად­მყო­ფო­ში, რა­საც ექი­მე­ბი ეუბ­ნე­ბი­ან. მო­სა­მარ­თლე რომ ვიყო, გა­დავ­წყვეტ­დი, შე­ვა­ჩე­რებ­დი პრო­ცესს, უზ­რუნ­ველ­ყოფ­დი მის გა­მო­ჯან­მრთე­ლე­ბას და შემ­დეგ მი­ვიყ­ვან­დი მარ­თლმსა­ჯუ­ლე­ბის წი­ნა­შე“, - გა­ნა­ცხა­და ეკა ბე­სე­ლი­ამ.

სა­ა­კაშ­ვი­ლის სა­კი­თხის გარ­და ეკა ბე­სე­ლია გა­და­ცე­მა­ში ხე­ლი­სუფ­ლე­ბის წევ­რე­ბის ევ­რო­პა­ში გახ­ში­რე­ბულ ვი­ზი­ტებ­საც გა­მო­ეხ­მა­უ­რა და აღ­ნიშ­ნა, რომ მარ­ტო სი­ა­რუ­ლი საქ­მის კე­თე­ბა არაა.

მი­სი­ვე თქმით, დიპ­ლო­მა­ტი­უ­რად გა­უ­გე­ბა­რი ქცე­ვე­ბი აქვს "ქარ­თულ ოც­ნე­ბას“, რად­გან ირაკ­ლი კო­ბა­ხი­ძემ ევ­რო­კავ­შირს "გა­და­უ­ა­რა და ლან­ძღა თუკი რა­მით შე­ეძ­ლო ელან­ძღა“ და "სენ­ტი­მენ­ტე­ბი“ მხო­ლოდ უნ­გრე­თის მი­მართ აქვს.

"მარ­ტო სი­ა­რუ­ლი არ არის საქ­მე, რა არის სა­სა­უბ­რო, რა მი­გაქვს ევ­რო­პელ კო­ლე­გებ­თან? გა­მე­ღი­მა, როცა მო­ვის­მი­ნე გან­ცხა­დე­ბა, კო­ბა­ხი­ძე ამ­ბობ­და: უნ­გრეთს ნუ ეს­ხმით თავს, ევ­რო­კავ­ში­რის წევრ ქვე­ყა­ნა­სო. მთელ ევ­რო­კავ­შირს გა­და­უ­ა­რა, თავ­ზე და­ამ­ხო, თუკი რამე შე­იძ­ლე­ბო­და, და­ემ­ხო, თუკი რა­მით შე­იძ­ლე­ბო­და ელან­ძღა და მარ­ტო უნ­გრე­თის მი­მართ გა­უჩ­ნდა სენ­ტი­მენ­ტე­ბი ამ ბიჭს. იქ რომ აუ­ჩუყ­და გული და მო­უ­წო­და ყვე­ლას, და­ა­ნე­ბეთ თავი უნ­გრეთ­სო, იმის გარ­და ვე­რა­ვინ ვერ და­ი­ნა­ხა ყვე­ლა რომ გა­და­რია? - დიპ­ლო­მა­ტი­უ­რად გა­უ­გე­ბა­რი ქცე­ვე­ბი ხდე­ბა“, - გა­ნა­ცხა­და ეკა ბე­სე­ლი­ამ.