თავად დაუკავშირდა - ცნობილია გუნდი, რომლის გაწვრთნაზეც ანტონიო კონტე ოცნებობს

ანტონიო კონტეს „პსჟ-ს“ გაწვრთნა სურს.

როგორც Le Parisien იტყობინება, იტალიელი სპეციალისტი, რომელიც ამჟამად „ტოტენჰემში“ მუშაობს, ფრანგულ გუნდში დანიშვნაზე ოცნებობს.

კონტემ „პსჟ-ს“ ხელმძღვანელობას უკვე შეატყობინა, რომ მაურისიო პოჩეტინოს გაშვების შემთხვევაში, ის დაინტერესებულია გუნდში მწვრთნელის თანამდებობის დაკავებით.

„ტოტენჰემთან“ კონტრაქტი იტალიელს კიდევ ერთი სეზონით აკავშირებს, თუმცა კლუბების პრეზიდენტების, დანიელ ლევისა და ნასერ ალ-ხელაიფის კარგი ურთიერთობა შესაძლოა შეთანხმების მიზეზი გახდეს.