"რონალდუმ მანჩესტერში გადმოსვლით მსხვერპლი გაიღო", - საა

ლუი საა არ ეთანხმება უეინ რუნის აზრს კრიშტიანუ რონალდუს შესახებ: "არ მესმის. ცოტა მიკვირს. არ არის სწორი კრიშტიანუ რონალდუს გაკრიტიკება და იმის თქმა, რომ მას წასვლა სჭირდება".
"რატომ არ ვაშენებთ ახალგაზრდა გუნდს კრიშტიანუს გარშემო? დაე მათ ისწავლონ და წინ წაიწიონ მის გვერდით. თუ ეს მოთამაშეები ვერ პროგრესირებენ და ვერ იზრდებიან, ეს ნიშნავს, რომ ისინი საკმარისად კარგები არ არიან".
"საერთოდ არ ვეთანხმები რუნის აზრს. ვფიქრობ, კრიშტიანუმ დიდი მსხვერპლი გაიღო. ის კარგად უმკლავდება კრიტიკას. გუნდი კარგად არ თამაშობს. არ მომწონს, რომ კრიშტიანუს კრიტიკის ობიექტად არჩევენ", - განაცხადა ყოფილმა თავდამსხმელმა.
შეგახსენებთ, რომ ყოფილი ფრანგი ფორვარდი "მანჩესტერ იუნაიტედის" შემადგენლობაში თამაშობდა სწორედ რონალდუსა და რუნისთან ერთად, 2004-2008 წლებში.