ცნობილია, თუ ვინ იქნება ტენ ჰაგის თანაშემწე მანჩესტერში დანიშნვის შემთხვევაში

ინგლისის ნაკრების ყოფილი მწვრთნელი, სტივ მაკკლარენი შესაძლოა ერიკ ტენ ჰაგის შტაბს "მანჩესტერ იუნაიტედში" შეუერთდეს. გასულ თვეში, "იუნაიტედმა"  "აიაქსის" ნებართვით დაიწყო ოფიციალური მოლაპარაკებები ტენ ჰაგთან.
პროცესი იმდენად მიდის, რომ მხარეები უკვე განიხილავენ ერიკის სამწვრთნელო შტაბის ჩამოყალიბებაზე. ტენ ჰაგს აქამდე არასდროს უმუშავია პრემიერ ლიგაში, ამიტომ სურს, დასახმარებლად მოიწვიოს ადამიანი, რომელმაც კარგად იცის ინგლისური ფეხბურთი.
ყოფილ "წითელ ეშმაკებს" უკავშირებდნენ ამ როლს, მაგრამ The Guardian-ი ამტკიცებს, რომ 52 წლის ჰოლანდიელის მარჯვენა ხელი "ოლდ ტრაფორდზე" შეიძლება იყოს მაკლარენი.
ის სერ ალექს ფერგიუსონს ეხმარებოდა 1999 წლიდან 2001 წლამდე. აქვე დავამატებთ, რომ "მანჩესტერ იუნაიტედის" სახელს მაურისიო პოჩეტინოსაც უკავშირებენ.