მორიგი გაცუდებული დარტყმა - კრიშტიანუს ჯარიმების შესრულების კატასტროფული სტატისტიკა აქვს

კრიშტიანუ რონალდუ საჯარიმო დარტყმების წარუმატებელ სერიას აგრძელებს.

„ატლეტიკოსთან“ გამართულ მერვედფინალურ მატჩში, რომელიც ფრედ 1:1 დასრულდა, პორტუგალიელმა ვარსკვლავმა მორიგი საჯარიმო დარტყმა გააცუდა - კედელსაც გადააცილა და მეტოქის კარსაც.

„მანჩესტერ იუნაიტედში“ დაბრუნების შემდეგ, კრიშტიანუმ ჯარიმის შესრულება 9-ჯერ სცადა, თუმცა გოლით არცერთი დარტყმა არ დასრულებულა. 

„იუვენტუსში“ გატარებულ სამ სეზონში კრირომ ჯარიმა 71-ჯერ შეასრულა, საიდანაც 1 გოლის გატანა შეძლო.

როგორც მარტივი მათემატიკით შეგვიძლია დავიანგარიშოთ, ბოლო 80 საჯარიმო დარტყმიდან კრიშტიანუ რონალდუს მხოლოდ 1 გოლი აქვს გატანილი.