გერმანული მედია "ჩაკვეზე" - სასტარტოს შანსი და"გენტთან" მოლაპარაკებები

გიორგი ჩაკვეტაძის შესახებ გერმანული მედია ისევ აქტიურად წერს - როგორც მის ძირითად შემადგენლობაში შესაძლო თამაშზე, ასევე, 22 წლის ფეხბურთელის საკლუბო მომავალზე.

90min:

"ჰამბურგი" გიორგი ჩაკვეტაძეზე იმედებს ამყარებს, მაგრამ მომავალ ზაფხულს მისი შენარჩუნების შანსები მცირეა. 

ქართველმა ნახევარმცველმა ჯერ სულ 3 შეხვედრაში იასპარეზა, მაგრამ მთავარმა მწვრთნელმა ვალტერმა ბოლო მატჩშიც დაამტკიცა, რომ გიორგის შესაძლებლობებს აფასებს - მოედანზე შესვენების შემდეგ შეიყვანა. სავსებით შესაძლებელია, დარჩენილ დროში ის გუნდისთვის უმნიშვნელოვანესი მოთამაშე გახდეს. 

"გენტმა" გერმანულ კლუბს ჩაკვეტაძის გამოსყიდვის უფლება არ მისცა და ამაზე დამატებითი მოლაპარაკებებია საჭირო. ჩაკვეტაძის
ფასი ახლა 2.3 მილიონი ევროა, "ჰამბურგისთვის" კი შესყიდვის ეს ვარიანტი ძვირი იქნება - ბუნდესლიგაში აღზევების შემთხვევაშიც."

ამ საკითხზე liga2-online-იც წერს:

"22 წლის ფეხბურთელი გუნდისთვის სულ უფრო მნიშვნელოვანი მოთამაშე ხდება, მაგრამ "ჰამბურგს" მისი გამოსყიდვის პუნქტი არ აქვს."

mopo კი ვარაუდობს, რომ უახლოეს შეხვედრაში, ლიდერ ბრემენის "ვერდერის" წინააღმდეგ, "ჩაკი" ფარიდე ალიდუს ნაცვლად, სასტარტო შემადგენლობაში იქნება. ეს მატჩი ქართველი ნახევარმცველის გუნდის საშინაო არენაზე 27 თებერვალს გაიმართება.