ჩაკვეტაძის მშვენიერი დებიუტი - მონაწილეობა საგოლე ეპიზოდში და "ჰამბურგის" მიერ განადგურებული ლიდერი

გერმანულ "ჰამბურგში" გიორგი ჩაკვეტაძის დებიუტი შედგა - 22 წლის ნახევარმცველმა "დარმშტადთან" დიდი ანგარიშით, 5:0 სტუმრად მოგებულ შეხვედრაში დასკვნითი 12 წუთი იასპარეზა.

ჰამბურგელებმა მშვენიერი მატჩი ჩაატარეს და მეორე ბუნდესლიგის ლიდერს შანსი არ დაუტოვეს. გიორგი შეხვედრაში საკამოდ აქტიურად და თამამად ჩაერთო - ბურთს რამდენჯერმე შეეხო, ზუსტი პასები გააკეთა და  მეხუთე გოლის ორგანიზებაში მონაწილეობაც მიიღო.

"ჰამბურგის" ფორვარდმა გრაცელმა პოკერი შეასრულა, ერთი გოლი კი ვინთზეიმერის ანგარიშზეა.

37 ქულით მე-4 ადგილზე მყოფი "ჰამბურგი" 12 თებერვალს "ჰაიდენჰაიმს" უმასპინძლებს.