გერმანელები ჩაკვეტაძეზე ისევ წერენ - თასზე იაშვილის ყოფილ კლუბთან

გერმანულ მედიაში "ჰამბურგის" ახალწვეულ გიორგი ჩაკვეტაძეზე საკმაოდ ბევრს წერენ.

TAG24:

"შესაძლოა, ჩაკვეტაძეს თავისი უნარების შეზღუდული დროით დამტკიცება მომავალ შეხვედრაში, ლიდერ "დარმშტადტ 98-თან" (6 თებერვალი) მოუწიოს.

მაისნერი თუ ვინცჰაიმერი - რომელი ფორვარდი შეიცვლება იანვარში? სონი კიტელი "ჰამბურგის" ნამდვილად ყველაზე შემოქმედებითი ნახევარმცველია, რომელიც ახლა დისკვალიფიცირებულია, დევიდ კინსომბს კი ძვლის დაჭიმულობა აწუხებს.

მთავარი მწვრთნელი ვალტერი ამბობს:

"გიორგის ნამდვილად შეუძლია დაგვეხმაროს იმით, თუ როგორ შემოქმედებით ფეხბურთს თამაშობს. ის ძალიან კრეატიული და საშიშია."

გიორგი ჩაკვეტაძეს ბოლო წლებში ტრავმები აწუხებდა და "გენტში" იშვიათად ენდობოდნენ - ბოლო 2.5

წლის განმავლობაში საქართველოს ნაკრების წევრმა მხოლოდ 20 მატჩი ჩაატარა ამ ლიგაში და 731 წუთი ითამაშა - სერიოზული ტრავმების გამო."

ამასობაში, გერმანიის თასის მეოთხედფინალში "ჰამბურგის" მეტოქე გაირკა და ის "კარლსრუე" იქნება. ამ კლუბში ალექსანდრე იაშვილი გამოდიოდა. შეხვედრა 1-ელ ან 2 მარტს შედგება და მას ჩაკვეტაძე და მისი თანაგუნდელები საკუთარ მოედანზე ჩაატარებენ.