რეალთან მატჩში პეესჟეს სერხიო რამოსი ვერ დაეხმარება - ითამაშებს თუ არა ნეიმარი?

„პსჟ-ს“ მცველი სერხიო რამოსი „რეალთან“ გასამართ ჩემპიონთა ლიგის პირველ მერვედფინალს გამოტოვებს.

35 წლის ფეხბურთელი მოედანზე 23 იანვრის შემდეგ არ გასულა და დღესაც, პარიზული გუნდის ვარჯიშში მონაწილეობა არ მიუღია.

შესაბამისად, „პარკ დე პრენსზე“ „პეესჟეს“ „რეალის“ წინააღმდეგ თამაში მადრიდელთა ექს-კაპიტნის გარეშე მოუწევს.

არსებობს ალბათობა, რომ მატჩს სრულ მზადყოფნაში შეხვდება ნეიმარი, რომელიც უკვე ორი დღეა უპრობლემოდ ვარჯიშობს და სავარაუდოდ, განაცხადშიც მოხვდება.

შეგახსენებთ, რომ ნეიმარი 2021 წლის 28 ნოემბრის შემდეგ ტრავმირებულია.

„პსჟ“ „რეალს“ სამშაბათს, 15 თებერვალს 23:55 საათზე უმასპინძლებს.