ასენსიო: "გრანადასთან მატჩის შემდეგ, რამოსმა დამირეკა და ეს მითხრა"

როგორც მოგეხსენებათ, ესპანეთის ჩემპიონატის ბოლო ტურში მადრიდის "რეალმა" "გრანადას" უმასპინძლა, გამარჯვების გოლი კი მარკო ასენსიომ გაიტანა.

ესპანელი შემტევის თქმით, მას გამარჯვების გოლი სამეფო კლუბის ლეგენდამ, სერხიო რამოსმა პირადად მიულოცა.

"სერხიო რამოსმა გრანადასთან მატჩის შემდეგ მომწერა, მან ჩემი გოლი ნახა და მომილოცა. მე ვუპასუხე რომ იმედია, ჩვენს წინააღმდეგ ითამაშებს, ძალიან მინდა მის
წინააღმდეგ თამაში", - განაცხადა ასენსიომ.

შეგახსენებთ, რომ სერხიო რამოსმა "ბლანკოსის" რიგები გასული წლის ზაფხულის სატრანსფერო ფანჯარაზე დატოვა და "პარი სენ-ჟერმენს" თავისუფალი აგენტის
სტატუსით შეუერთდა.

როგორც ჩანს, ახალ კლუბში გადასვლის მიუხედავად, ესპანელი მცველი ყოფილ თანაგუნდელებთან კონტაქტს არ კარგავს.