„რეალი“ გნაბრის ტრანსფერით სერიოზულად ინტერესდება

„რეკორდმაისტერის“ შემტევს კლუბთან კონტრაქტი 2023 წელს ეწურება, რაც იმას ნიშნავს, რომ მომდევნო ზაფხულს ან უნდა გაახანგრძლივოს, ან გაიყიდოს, რადგან სხვა შემთხვევაში თავისუფალი აგენტის სტატუსს მიიღებს.

რაც შეეხება განახლებას. ფეხბურთელს „ბაიერნთან“ საკმაოდ სერიოზული მოთხოვნები აქვს, მიუნხენური კლუბი კი ამ წინადადებაზე ჯერ-ჯერობით არ მიდის.

მადრიდული მხარე სერჟის ირგვლივ განვითარებულ მოვლენებს საკმაოდ დიდი ყურადღებით აკვირდება და მზად არის, „ბაიერნს“ ზაფხულში ოფიციალური წინადადებით მიმართოს.

ესპანეთის დედაქალაქში თვლიან, რომ არსებული სიტუაციიs ფონზე (კონტრაქტის მიწურული) გნაბრის დამატება 50 მილიონ ევროდ იქნება შესაძლებელი, რაც მისი დონის ფეხბურთელისთვის ნამდვილად კარგი ფასი უნდა იყოს.

გნაბრიმ ბუნდესლიგის მიმდინარე სეზონში 21 მატჩი ჩაატარა, სადაც 10 გოლის გატანა და 4 საგოლე გადაცემის გაკეთბა შეძლო. 26 წლის ფეხბურთელი 4-ჯერ გამოჩნდა ჩემპიონთა ლიგაზე, სადაც 2 გოლითა და 1 „ასისტით“ მოიწონა თავი.