"ეს სრულიად მიუღებელია", - მათეუსმა ბაიერნის ფეხბურთელები გააკრიტიკა

გერმანიის ნაკრების და „ბაიერნის“ ექს-ფეხბურთელმა, ლოტარ მათეუსმა ისაუბრა იმ ფაქტზე, რომ „მაინცთან“ 1:3 წაგების შემდეგ, გერმანიის ჩემპიონის ფეხბურთელების უმრავლესობა იბიცაზე გაემგზავრა.

შეგახსენებთ, რომ „ბაიერნს“ ამ სეზონში გერმანიის ჩემპიონობა უკვე განაღდებული აქვს.

„ეს სრულიად მიუღებელია, განსაკუთრებით ასეთი მატჩის შემდეგ. გუშინ რომ მოეგოთ, ვიტყოდი: „თუ გინდათ იბიცაზე 2-3 დღეც დარჩით.“  

ნაგელსმანის ადგილზე რომ ვიყო, ძალიან მკაცრ ზომებს მივმართავდი - ასეთი თამაშის შემდეგ დასვენების დღეები უქმდება ხოლმე.“ - აღნიშნა მათეუსმა.