"კარგი მწვრთნელია, მაგრამ ჯერ რაიმე უნდა მოიგოს", - ლემანი ნაგელსმანზე

გერმანიის ნაკრების ექს-მეკარემ იენს ლემანმა „ბაიერნის“ ამჟამინდელ მთავარ მწვრთნელზე, იულიან ნაგელსმანზე ისაუბრა.

„არანაირი ეჭვი არ არსებობს იმაში, რომ ის კარგი მწვრთნელია. თუმცა, თავდაპირველად მან „ბაიერნთან“ ერთად რაიმე მაინც უნდა მოიგოს, რაც ადვილი არ იქნება.

თუმცა, ის ნამდვილად კარგი სპეციალისტია და მოედანზეც სწორ გადაწყვეტილებებს იღებს.“ - აღნიშნა ლემანმა.

შეგახსენებთ, რომ „ბაიერნმა“ ახალგაზრდა ნაგელსმანი 25 მილიონ ევროდ გასულ ზაფხულს „ლაიპციგიდან“ გამოისყიდა.