"რონალდუს მანჩესტერიდან შესაძლო წასვლის სურვილი? მისი გაგება შეიძლება", - ბერბატოვი

დიმიტარ ბერბატოვი არ დაადანაშაულებს კრიშტიანუ რონალდუს, თუ ის ამ ზაფხულს "მანჩესტერ იუნაიტედს" დატოვებს: "რონალდუ თავისი ასაკისთვის წარმოუდგენლად კარგია".
"როგორც თამაშით, ასევე გატანილი გოლებით. ამ ასაკში პრემიერ ლიგაში ამდენი გოლის გატანა წარმოუდგენელი მიღწევაა. ის აკეთებს იმას, რაც უნდა გააკეთოს, ის გოლებს იტანს".
"ახლა ის სხვანაირად თამაშობს, ვიდრე ადრე, მაგრამ ერთი რამ მუდმივია - გოლები. ის მაინც იგებს და ეს ძალიან მნიშვნელოვანია. მის კონტრაქტს "იუნაიტედთან" ჯერ კიდევ ერთი წელი აქვს დარჩენილი".
"ვფიქრობ, რომ ეს კარგია. ახლა მისი გადასაწყვეტია დარჩება თუ წავა. მოხარული ვიქნები, თუ დარჩება. რა თქმა უნდა, ეს ყველაფერი ახალ მწვრთნელზე და რონალდუს სურვილებზეა დამოკიდებული".
"თუ რონალდუ წასვლას გადაწყვეტს, მაშინ, რა თქმა უნდა, მას არ უნდა დააბრალო. როცა შეჩვეული ხარ ჩემპიონთა ლიგაზე ყოველწლიურად თამაშს და მერე არ გაქვს ამის შანსი, ამის მიღება რთულია", - განაცხადა ბერბატოვმა.