ევრა: "ხალხს ხანმოკლე მეხსიერება აქვს, მაგრამ ლუკაკუმ ძალიან დიდი შეცდომა დაუშვა"

პატრის ევრა მიიჩნევს, რომ რომელუ ლუკაკუ „ინტერიდან“ „ჩელსიში“ არ უნდა დაბრუნებულიყო.

„ხალხს, რომელიც მას აკრიტიკებს, მოკლე მეხსიერება აქვს, რადგან ის ლონდონში გადმოსვლის შემდეგ კარგად თამაშობდა და გოლებსაც იტანდა. 

შემდეგ კი, ტრავმა მიიღო და თქვა, რომ „ინტერი“ ენატრება, რამაც გულშემატკივრებში გაუგებრობა გამოიწვია.

მას „ჩელსიში“ ყველაფრის ფასად სურდა დაბრუნება, მაგრამ ასეთ მაღალ დონეზე ჩატარებული სეზონის შემდეგ, ის აუცილებლად „ინტერში“ უნდა დარჩენილიყო. ჩემი აზრით, მან დიდი შეცდომა დაუშვა.“ - აღნიშნა ევრამ.