სიტიმ ამ სეზონში პირველად ვერ მოიგო მატჩი, რომელშიც ანგარიში თავად გახსნა

„მან სიტიმ“ პრემიერ ლიგის ამ სეზონში პირველად ვერ მოიგო მატჩი, რომელშიც ანგარიში თავად გახსნა.
პეპ გვარდიოლას გუნდი 32-ე ტურში „ლივერპულს“ საკუთარ კედლებში დაუზავდა (2:2).
პირველი ტაიმის შემდეგ „ქალაქელები“ 2:1-ს იგებდნენ, თუმცა მერსისაიდელებმა მეორე ნახევრის სტარტზევე შეძლეს წონასწორობის მეორედ აღდგენა.
აქამდე, პრემიერ ლიგის ამ სეზონში, „სიტიმ“ 22-ვე იმ მატჩის მოგება შეძლო, რომელშიც ანგარიშის გახსნა თავად მოახერხა.