როგორც იქნა - ბარსელონამ არაუხოსთან ახალ კონტრაქტზე მოილაპარაკა

როგორც იქნა, „ბარსელონამ“ საწადელს მიაღწია.
როგორც ავტორიტეტული ჟურნალისტი ფაბრიციო რომანო იტყობინება, „ბარსელონამ“ გუნდის ახალგაზრდა მცველთან, რონალდ არაუხოსთან ახალი კონტრაქტის თაობაზე შეთანხმებას მიაღწია.
დღეს ფეხბურთლის აგენტს და „ბარსას“ სპორტულ დირექტორს, მატეუ ალემანის შორის ბარსელონაში გადამწყვეტი შეხვედრა შედგა, რომელზეც მხარეებმა საბოლოო შეთანხმებას მიაღწიეს.
უბრალოდ დროის ამბავია, თუ როდის მოაგვარებენ მხარეები საბოლოო დეტალებს და არაუხო „ბარსელონასთან“ ახალ კონტრაქტს გააფორმებს 2026 წლამდე, თანაც, ხელფასის საგრძნობი მომატებით.
ურუგვაელს „ბარსასთან“ ხელშეკრულება 2023 წლის ზაფხულამდე აკავშირებდა და კლუბი ღელავდა, რომ შეიძლებოდა ფეხბურთელი უფასოდ დაეკარგა.
არაუხოსთან შეთანხმების მიღწევის შემდეგ, „ბარსელონა“ სრულ ყურადღებას გავისთან კონტრაქტის გახანგრძლივებაზე გადაიტანს, რომელსაც კონტრაქტი ასევე გაისად ეწურება.