ანჩელოტი დილემის წინაშე დგას - ითამაშებს თუ არა ბენზემა "პსჟსთან"

როგორც მოგეხსენებათ, მადრიდის "რეალის" ლიდერის, კარიმ ბენზემას "პარი სენ-ჟერმენთან" დაპირისპირება კითხვის ნიშნის ქვეშ დგას.

განახლებული ინფორმაციის მიხედვით, ფრანგი შემტევის თამაში ლა ლიგის შემდეგ ტურში, "ვილიარეალთან" უკვე გამოირიცხა, ჩემპიონთა ლიგის მერვედფინალში კი ის 90 წუთს მოედანზე ვერ დაჰყოფს.

საუკეთესო შემთხვევაში ბენზემა პარიზში 55-60 წუთს ითამაშებს, ხოლო შემდეგ ანჩელოტის მისი შეცვლა მოუწევს.

ჯერ-ჯერობით უცნობია, გარისკავს თუ არა "სამეფო კლუბის" სპეციალისტი მის თამაშს, რადგან მან გადაწყვეტილება უნდა მიიღოს, დააყენოს მთავარი ფორვარდი სასტარტოში, თუ გამოიყენოს მეორე ტაიმში.