ახალი გეგმა - პერესმა მწვრთნელთან დაკავშირებით გადაწყვეტილება მიიღო

როგორც მოგეხსენებათ, მადრიდის "რეალს" მომავალი სეზონიდან ახალი მწვრთნელის შესახებ გაფაწყვტილება ჯერ არ მიუღია. 

ესპანურ მედიაში არაერთხელ დაიწერა, რომ "ბლანკოსს" მთავარი მწვრთნელის პოსტზე რამდენიმე ვარიანტი აქვს, მათ შორის ფავორიტი ჩაბი ალონსოა. 

გამოცემა, "relevo" ავრცელებს ინფორმაციას, რომ კლუბის პრეზიდენტი, ფლორენტინო პერესი კარლო ანჩელიტისთვის ახალი 2-წლიანი კონტრაქტის შეთავაზებას აპირებს.

წყაროს ცნობით, მხარეებს შორის მოლაპარაკებები უკვე დაიწყო. 

აქვე შეგახსენებთ, რომ იტალიელ სპეციალისტს ბრაზილიის ეროვნულ ნაკრებს უკავშირებენ, თუმცა ამასთან დაკავშირებით ოფიციალური წყარო არ გავრცელებულა.