"ჩვენ არანაირი საფრთხე არ გვემუქრება, უკრაინას კი...."-ღარიბაშვილი

პოლიტიკა

30-04-2022, 21:44

"ჩვენ არანაირი საფრთხე არ გვემუქრება, უკრაინას კი...."-ღარიბაშვილი

ჩვენი სადაზვერვო სამსახურების ინფორმაციაზე დაყრდნობით, არ მაქვს იმის თქმის საფუძველი, რომ დღეს რაიმე საფრთხე გვემუქრება, - ამის შესახებ პრემიერი ირაკლი ღარიბაშვილი საუბრობს.

"ჩვენი სადაზვერვო სამსახურების ინფორმაციაზე დაყრდნობით, არ მაქვს იმის თქმის საფუძველი, რომ დღეს რაიმე საფრთხე გვემუქრება. საფრთხე უკვე განხორციელდა ჩვენს ქვეყანაში 2008 წელს, ეს იყო ის ომი, რომლის თავიდან აცილებაც ვერ მოახერხა წინა ხელისუფლებამ.

თავად უკრაინისთვის კი, რუსეთი ძალიან დიდი საფრთხეა. მე მართლაც ძალიან განვიცდი იქ მიმდინარე მოვლენებს. მოგეხსენებათ, მე უკრაინაში ვიყავი ვიზიტით აგვისტოს თვეში, მქონდა ძალიან კარგი შეხვედრები და აბსოლუტურად მესმის მათი მდგომარეობა,"

- ამბობს ღარიბაშვილი.