"დროა ბალანსი დავარღვიო", - რონალდუ ჰეთ-ტრიკს გამოეხმაურა

კრიშტიანუ რონალდუს 60 კარიერულ ჰეთ-ტრიკზე გაჩერება არ სურს.
„მანჩესტერ იუნაიტედის“ ფორვარდმა „ნორვიჩთან“ 3:2 მოგებულ მატჩში სამი გოლი გაიტანა.
„30 ჰეთ-ტრიკი 30 წლამდე, 30 ჰეთ-ტრიკი 30 წლის შემდეგ. დროა, ბალანსი დავარღვიო.“ - წერს სოციალურ ქსელში პორტუგალიელი.
პრემიერ ლიგის შემდეგ ტურში „მანჩესტერ იუნაიტედი“ სტუმრად „ლივერპულს“ დაუპირისპირდება. შეხვედრა 19 აპრილს „ენფილდზე“ გაიმართება.