მორატა: "ერთი თვე გაურკვევლობაში გავატარე"

გუშინ "იუვენტუსმა" "ვერონა" დებიუტანტების გოლების წყალობით დაამარცხა, თუმცა აუცილებელია, რომ მორატას ბრწყინვალე პერფორმანსიც გამოვარჩიოთ.

ალვარომ ნამდვილად შესანიშნავად ითამაშა ვინგერის პოზიციაზე. გთავაზობთ მის პირველ კომენტარს, ამ დაპირისპირების შემდეგ.

"ასეთი თამაში გვჭირდებოდა, ეს 3 მნიშვნელოვანი ქულა იყო. ასეთი კარგი მატჩები ჩვენს სახლში კიდევ უფრო შესანიშნავია. ბედნიერი ვარ, რადგან ჩვენ ის ენერგია ვიპოვეთ, რომელიც ამდენი ხანი გვაკლდა.

ერთი თვე გაურკვევლობაში გავატარე, შემდეგ კი კლუბმა ნდობა ხელახლა გამომიცხადა და ეს მნიშვნელოვანია. რაც მოხდა მოხდა, ახლა მე აქ ვარ და ნდობა მაქვს მწვრთნელისგან, კლუბისგან და რა თქმა უნდა, გულშემატკივრებისგანაც.

ვლაჰოვიჩი? ჩვენ ახლა მსოფლიოს ერთ-ერთი საუკეთესო სტრაიკერი გვყავს. ბედნიერი ვარ, რადგან მან იცის რა როგორ უნდა გააკეთოს, პაულოსთან ის შესანიშნავი იყო. ჩვენ ახლა მხოლოდ უნდა ვიმუშავოთ, რათა ერთმანეთს გავუგოთ.

ახლა მე სხვა სამუშაოს განხორციელება მიწევს. მე ბედნიერი ვარ აქ ყოფნით და რომც არ ვთამაშობდე, გუნდის გამარჯვება მიხარია," - ამბობს ესპანელი.