"რატომ ვერ მოვიგეთ? კარში მამარდაშვილი იდგა" - "სოსიედადის" მეკარე

ლა ლიგის 23-ე ტურში "ვალენსიასა" და "სოსიედადის" უგოლოდ დასრულებულ მატჩში საუკეთესოები მეკარეები - გიორგი მამარდაშვილი და ალექს რემირო იყვნენ, - აღნიშნავს "მუნდო დეპორტივო".

შეხვედრის დასრულების შემდეგ Movistar LaLiga-სთან კომენტარი რემირომ გააკეთა: "მიხარია, რომ კარი მშრალად შევინახე, ეს სახლში "ბეტისთან" თასზე 0:4 წაგების შემდეგ მნიშვნელოვანი იყო. რატომ ვერ გავიმარჯვეთ? გოლის გატანის შესაძლებლობები გვქონდა, მაგრამ მეტოქის მეკარე მამარდაშვილმა ძალიან კარგად ითამაშა".

ნამატჩევს ქართველი "ღამურების" მწვრთნელმა ხოსე ბორდალასმა შეაქო: "ვერ ვიტყვი 11 თებერვალს თასის ნახევარფინალში "ბილბაოსთან" რომელ გოლკიპერს
დავაყენებ. მეკარეების მუშაობით კმაყოფილი ვარ და დღეს გიორგი მართლაც კარგი იყო. კარგად გაართვა თავი მოვალეობას. ხუთშაბათამდე გადავწყვეტთ, ვინ ითამაშებს ბასკებთან", - ციტირებს ბორდალასს Lasprovincias-ი.