უსახური თამაში ბევრი შეცდომით - ბასილაშვილი მონპელიეში მსოფლიოს 152-ე ნომერთან დამარცხდა

მონპელიეს ტურნირის მერვედფინალში ნიკოლოზ ბასილაშვილი მსოფლიოს 152-ე ნომერს, ბოსნიელ დამირ ძუმჰურს დაუპირისპირდა და სამ სეტში 1:6, 7:5, 2:6 დამარცხდა.

ქართველი ძალიან ცუდად აწვდიდა და ბევრ შეცდომას უშვებდა. ჯამში მან საკუთარი ჩაწოდება ექვსჯერ დაკარგა, საპირისპიროდ კი სამი ბრეიკი გააკეთა.

ნიკოლოზის ანგარიშზე 3 ეისი და 7 ორმაგი შეცდომა დაფიქსირდა.

ჩოგბურთელები კარიერაში ერთმანეთს პირველად დაუპირისპირდნენ.

სავარაუდოდ, ბასილაშვილი შემდეგ ტურნირს როტერდამში ითამაშებს, რომელიც 7 თებერვალს დაიწყება.