გოგონას გაუპატიურებისა და ცემის გამო "მანჩესტერის" ფეხბურთელი დააპატიმრეს

"მანჩესტერის" 20 წლის თავდამსხმელი მეისონ გრინვუდი დააპატიმრეს.

ფეხბურთელი მეგობარი გოგონას გაუპატიურებასა და სხეულის დაზიანებაშია ეჭვმიტანილი.

დღეს ჰარიეტ რობსონმა გრინვუდი ძალადობაში დაადანაშაულა და ფოტო სოციალურ ქსელში გამოაქვეყნა. მან აგრეთვე ვიდეო დადო, რომელზეც ჩანს, რომ გრინვუდი მასზე სექსუალურად ძალადობს.

ამის შემდეგ კლუბმა ჯერ გრინვუდს გუნდთან ერთად ვარჯიში აუკრძალა, შემდეგ კი პოლიციამ დააპატიმრა.

გრინვუდმა ამ სეზონში პრემიერლიგის 18 მატჩში 5 გოლი გაიტანა და 1 საგოლე გადაცემა გააკეთა.