“ანორთოსისი” მაგარ ფორმაშია – ქეცბაიამ ზედიზედ მე-5 მატჩი მოიგო

თემურ ქეცბაიას “ანორთოსისმა” კვიპროსის თასზე “პაფოსი” 3-1 დაამარცხა. პირველი ტაიმი “პაფოსმა” 0-1 მოიგო, მაგრამ მე-2 ნახევარში “ანორთოსისმა” 3 გოლი შეაგდო და მეორე ეტაპის წინ კარგი ფორა შეიქმნა.
ქეცბაიას გუნდს 6 მატჩიანი წაუგებელი სერია აქვს და აქედან 5 შეხვედრაში იმარჯვეს. გუნდი 25 ქულით მე-4 ადგილზე დაწინაურდა და პირველ ადგილზე მყოფ “აელს” 8 ქულით ჩამორჩება.
1 თვის წინ თავკაცის საქმე ისე იყო, შესაძლოა, კლუბიდანაც გაეშვათ. თემურს მხოლოდ 1 ქართველი, გიორგი ლორია შემორჩა.