მიქაუტაძის "სერენი" რეგრესს განაგრძობს - ზედიზედ 5 მარცხი საერთო ანგარიშით 0:15!

გიორგი მიქაუტაძის „სერენი“ ისევ დამარცხდა - ამჯერად საკუთარ მოედანზე "უნიონთან" 0:4.

15 იანვარს ნისლის გამო შეწყვეტილი ბელგიის ჩემპიონატის 22-ე ტურის მატჩი "სერენსა" და "უნიონს" შორის დღეს 46-ე წუთიდან განახლდა.

პირველი ტაიმი ჟუპილერ ლიგის კაცნაკლულ ლიდერს 2:0 ჰქონდა მოგებული, მეორე ტაიმში პენალტით კიდევ ორი გოლი გაიტანა და დამაჯერებელი გამარჯვება მოიპოვა.

ქართველმა თავდამსხმელმა შეუცვლელად ითამაშა, მაგრამ თავი კვლავ ვერაფრით გამოიჩინა.

მიქაუტაძეს ჩემპიონატზე ბოლო 5 შეხვედრაში გოლი არ გაუტანია, "სერენმა" ზედიზედ 5 მარცხი განიცადა (საერთო ანგარიში 0:15), 19 ქულით ბოლოსწინა, მე-17 ადგილზეა და

22 იანვარს გასვლაზე „სენტ-ტრუიდენს“ დაუპირისპირდება.