სალომე ზურაბიშვილის განცხადება სააკაშვილის უცხოეთში გადაყვანასთან დაკავშირებით ამ წუთებში ხდება ცნობილი

პოლიტიკა

5-06-2022, 22:55

სალომე ზურაბიშვილის განცხადება სააკაშვილის უცხოეთში გადაყვანასთან დაკავშირებით ამ წუთებში ხდება ცნობილი

სალომე ზურაბიშვილის განცხადება სააკაშვილის უცხოეთში გადაყვანასთან დაკავშირებით ამ წუთებში ხდება ცნობილი პრეზიდენტ სალომე ზურაბიშვილის განცხადებით, თუ ექსპერტები იტყვიან, რომ ექსპრეზიდენტ მიხეილ სააკაშვილის მკურნალობის საშუალება საქართველოში არ არის, მაშინ ხელისუფლების პასუხისმგებლობაა, რომ ან საქართველოში ჩამოიყვანონ სპეციალისტი, ან სააკაშვილი გადაიყვანონ უცხოეთში. მისი თქმით, მნიშვნელოვანია, რომ ქვეყნის რეპუტაცია არ დაშავდეს და საჭირო ზომები მიიღონ იმისთვის, რომ ექსპრეზიდენტს არაფერი მოუვიდეს."ძალიან მნიშვნელოვანი არის ქვეყნისთვის, რომ ყოფილი პრეზიდენტის ჯანმრთელობა, თუ ამ ჯანმრთელობის მიმართ არის კითხვები, ყველაფერზე იყოს პასუხის გაცემული, რომ ყურადღება იყოს სათანადო მისი ჯანმრთელობის მდგომარეობის მიმართ და მე, ასევე, გამოვთქვი აზრი, რომ საჭირო იყო გადაყვანა სხვა დაწესებულებაში, რაც შემდეგ მოხდა ეს ძალიან კარგია. ვერ ვიტყვი, როგორც ქვეყნის პრეზიდენტი, რომ ქვეყანაში არ არსებობს არანაირი სათანადო მკურნალობის საშუალებები, წინასწარ ასე ვერ ვიტყვი.
თუკი ექსპერტები რაღაც მომენტში ჩათვლიან, რომ რაღაც მიზეზების გამო, არ არის საშუალება აქ რომ იყოს მიღებული ის მკურნალობა, რომელიც საჭიროა, მაშინ უკვე ხელისუფლების პასუხისმგებლობაა რომ ამას უპასუხოს ან სხვაგან გაყვანით, ან ვიღაცის ჩამოყვანით, მე არ ვარ დარგის ექსპერტი, მხოლოდ მორალური პოზიცია შემიძლია გამოვხატო. საჭიროა, რომ ქვეყნის რეპუტაცია არ დაშავდეს და იყოს მიღებული სათანადო ზომები იმისთვის, რომ არაფერი მოუვიდეს ქვეყნის ყოფილ პრეზიდენტს", — ამბობს ის პალიტრანიუსის ეთერში.
მიხეილ სააკაშვილი 12 მაისიდან კლინიკა ვივამედში იმყოფება. ოჯახის წევრები და ადვოკატები ამბობენ, რომ მიხეილ სააკაშვილის მდგომარეობა მძიმეა. ისინი ექსპრეზიდენტის უცხოეთში სამკურნალოდ გადაყვანას ითხოვენ.