მათ ვინც უკვე გადაიტანეს კოვიდი, ახალმა კვლევამ აჩვენა და ეს არის საგანგაშო...“ - რის შესახებ საუბრობს გიორგი ფხაკაძე

ჯანდაცვის ექსპერტი, გიორგი ფხაკაძე ახალი კვლევის შესახებ საუბრობს. კვლევა პოსტკოვიდურ პერიოდს ეხება.

ექსპერტის თქმით, კვლევის მიხედვით, რომელიც ამერიკაში ჩატარდა, პოსტკოვიდურ პერიოდში ადამიანების უმრავლესობას გულ-სისხლძარღვთა დაავადებები აწუხებს.

„კვლევამ აჩვენა, ეს უკვე არის საგანგაშო, ის, რომ კოვიდგადატანილებში ყველაზე დიდი პრობლემა არის გულ-სისხლძარღვთა დაავადება. კვლევაში ჩადებული იყო 11 მილიონი ადამიანის დოსიე 1 255 საავადმყოფოდან ამერიკის ყველა შტატიდან.

დაინახეს, რომ პოსტკოვიდის დროს ყველაზე დიდი პრობლემა სწორედ არის გულ-სისხლძარღვთა დაავადებები. ეს გვეუბნება იმას, რომ ჯანდაცვის სისტემები მთელ მსოფლიოში არის გადასაწყობი“,- ამბობს გიორგი ფხაკაძე.