გუშინ დროშა უკუღმა ეჭირა, დღეს ხორცს შაქარი მოაყარა. ..იმედის დილა ნუ მოგიშალოთ ღმერთმა” – რომან გოცირიძე

ნაციონალური მოძრაობის” ერთ-ერთი ლიდერი რომან გოცირიძე სოციალურ ქსელში წერს:

“ტვ “იმედზე” წამყვანი ეკითხება მოწვეულ ექსპერტს:

– როგორც ჩვენთვის ცნობილი გახდა, თურმე ერთ-ერთი წვეულებისას მიხეილ სააკაშვილმა მწვადს მარილის ნაცვლად შაქარი მოაყარა, როგორ შეაფასებთ ამ მოვლენას?

– ხდება ხოლმე სუფრაზე, ეშლებათ და სამარილეში შაქარს ყრიან და საშაქრეში მარილს

– სწორედ იმაშია საქმე, რომ ასე არ ყოფილა, არავის არაფერი შეშლია

– იქნებ მიხეილ სააკაშვილი ახალი ჩამოსული იყო ჩინეთიდან, სადაც უყვართ ხორცზე ტკბილი საწებლის მიყოლება, თქვენ წარმოიდგინეთ, თაფლისაც კი

– მიხეილ სააკაშვილი არც ჩინეთში ყოფილა ბოლო დროს

– ალბათ….

– სწორია, სწორია, ალბათ, თუმცა რა ალბათ, ეს დამტკიცებული ფაქტია, რომ მიხეილ სააკაშვილი პატივს არ სცემს ეროვნულ ტრადიციებს, არღვევს ქართული სუფრის(პურობის) წესს, რომელიც ბატონი ბიძინას ინიციატივით საქართველოს კულტურის სამინისტროს მიერ შეტანილი იქნა ქვეყნის არამატერიალური კულტურული მემკვიდრეობის ძეგლთა სიაში.

გუშინ დროშა უკუღმა ეჭირა, დღეს ხორცს შაქარი მოაყარა. დასკვნები თქვენთვის მოგვინდვია.

ეს იყო “ღამის იმედი”.

იმედის დილა ნუ მოგიშალოთ ღმერთმა“, – წერს რომან გოცირიძე