„ქართველების რძალი ხარ, ერთი სიტყვა საქართველოზეც თქვი“, - როგორ საყვედურობენ ქართველები ლიზა იასკოს
პოლიტიკა
10-01-2022, 22:22
„ქართველების რძალი ხარ, ერთი სიტყვა საქართველოზეც თქვი“, - როგორ საყვედურობენ ქართველები ლიზა იასკოს
უკრაინის რადას დეპუტატმა და საქართველოს მესამე პრეზიდენტის მიხეილ სააკაშვილის საცოლე ლიზა იასკომ სოციალურ ქსელში საზოგადოებას შობა მიულოცა. როგორც წინა პოსტში, ისე აჟამინდელშიც, მას ერთი სიტყვითაც არ უხსენებია მიხეილ სააკაშვილი.
"მეგობრებო! შობას გილოცავთ! ამ ნათელ დღეს კომფორტს, ბედნიერებას, სიხარულს და სითბოს გისურვებთ, დაე, მოხდეს სასწაულები! დაე, გვქონოდეს ბევრი ნათელი დღე, მოვლენა, სიახლე. და თითოეულ ჩვენგანში მშვიდობამ და ჰარმონიამ დაისადგუროს.
მინდა, უკრაინელებს ვუსურვო ერთიანობა, საერთო იდეები, მიზნები და ღირებულებები. უკრაინის მომავლის ხედვა. გილოცავთ შობას, ძვირფასო უკრაინელებო და მეგობრებო", - წერს იასკო.
მიუხედავად იმისა, რომ თავის ბოლოდროინდელ პოსტებში ლიზას საქართველოც მივიწყებული ყავს და მიხეილ სააკაშვილიც, კომენტარებში მისი ქართველი მიმდევრები მაინც ეხმიანებიან:
„უსაყვარლესი ადამიანი“
„შენც გილოცავ“
„შობას გილოცავთ, თავისუფლება მიხეილ სააკაშვილს, საქართველოს აღმშენებელსა და რეფორმატორს“.
„გილოცავ შობას, რძალო“
„ქართვეების რძალი ხარ, ერთი სიტყვა საქართველოზეც თქვი, რამე უსურვე ჩვენს ქვეყანას კარგი“
„თავისუფლება სააკაშვილს, თავისუფლება დემოკრატიის ლიდერ მიშას“, - წერენ ქართველები.
შეგახსენებთ, მიხეილ სააკაშვილსა და ლიზა იასკოს შორის „შავმა კატამ მას შემდეგ გაირბინა“, რაც საქართველოს მესამე პრეზიდენტმა ქართველი ერისადმი თავის საახალწლო მილოცვაში განაცხადა, რომ საახალწლო პროგრამაში მისი ქალიშვილი ელის მარია სააკაშვილის დებიუტი შედგებოდა. მიხეილ სააკაშვილმა სოცქსელში სოფიო ნიჟარაძისა და საკუთარი ქალიშვილის ფოტოები გააზიარა.
თუ საქართველოს ყოფილ პირველი ლედისთან, სანდრა რულოვსთან მეტოქეობაში ლიზა იასკო თავდეჯერებულ უპირატესობას გრძნობდა, ახალგაზრდა ქართველი მომღერლის სოფო ნიჟარაძის „გამოჩენამ“ მისი თავმოყვარეობა "შეატორტმანა". სააკაშვილის მიერ საცოლისა და თანამებრძოლის გრძნობების არდანდობამ და ფეისბუქზე "ყოფილის" ფოტოების გამოქვეყნებამ, ლიზა ისე გაანაწყენა, რომ საკუთარ ბოლოდროინდელ პოსტებში მიხეილ სააკაშვილის შესახებ დუმს.
ამასთან, ლიზა იასკოს ფეისბუქ-გვერდზე ახალი პოსტი გაჩნდა, სადაც ცისფერ კაბაში გამოწყობილი რადას დეპუტატი მღერის. „გავერთიანდეთ და ვიოცნებოთ ჩვენი სახელმწიფოს ნათელ მომავალზე; პატივი ვცეთ წარსულს, შევინარჩუნოთ ხსოვნა და გავუფრთხილდეთ ტრადიციებს!“, - წერს პოსტში ლიზა იასკო და იქვე დასძენს, რომ სიმღერა 1 წლის წინაა მომზადებული .. თუმცა მისი გამოქვეყნება მან ახლა გადაწყვიტა.
ლიზა იასკო შობასაც და ახალ წელსაც უკრაინაში შეხვდა.
კომენტარები