რონალდო: "ფეხბურთის ვარსკვლავები მეტ ფულს იმსახურებენ"

ესპანურ და ფრანგულ გამოცემებში გავრცელებულ ცნობებს თუ დავუჯერებთ, მადრიდის "რეალში" გადასვლის შემდეგ კილიან მბაპე ანაზღაურების სახით წელიწადში 50 მილიონ დოლარს მიიღებს.

ამასთან დაკავშირებით მსოფლიო ფეხბურთის ლეგენდამ რონალდო ნაზარიომ განცხადება გააკეთა.

"წავიკითხე სიახლე, რომ მადრიდის "რეალი" მბაპესთვის წელიწადში 50 მილიონი ევროს მიცემას აპირებს.

ჩვენ (რონალდო და მისი თაობა) არასწორ დროში ვთამაშობდით. ფეხბურთის ინდუსტრია ვითარდება, ამიტომაც, ვარსკვლავები სულ უფრო და უფრო მეტ ფულს იმსახურებენ", - განაცხადა ბრაზილიელმა.

ცნობისთვის, მბაპეს "პარი სენ-ჟერმენთან" კონტრაქტი 2022 წლის 30 ივნისს ეწურება და უდიდესი ალბათობით, სამეფო კლუბს შეუერთდება.