სუარესი პრემიერლიგაში დაბრუნებასთან ახლოსაა, ვარიანტები ბრაზილიიდან და საუდის არაბეთიდანაცაა

ლუის სუარესი შესაძლოა მადრიდის "ატლეტიკოდან" "ასტონ ვილაში" გადავიდეს.

ხერარდ რომეროზე დაყრდნობით, 34 წლის ურუგვაელის სამსახურით სხვადასხვა გუნდი ინტერესდება, როგორებიც არიან "ატლეტიკო მინეირო", "კორინთიანსი" და "პალმეირასი" (3-ივე ბრაზილიური), ერთ-ერთი კლუბი საუდის არაბეთიდან (არ სახელდება) და მთავარი, სტივენ ჯერარდის "ასტონ ვილა". შეგახსენებთ, ლუისი და სტივენი 2011/14 წლებში "ლივერპულში" ერთად გამოდიოდნენ.

გავრცელებული ინფორმაციის თანახმად, ტრანსფერი ამ ზამთარს ნაკლებად მოსალოდნელია, თუმცა ყველაფერს დრო გაარკვევს.

შეგახსენებთ, სუარესმა ლა ლიგასა და ჩემპიონთა ლიგაზე "როხიბლანკოს" მაისური 25-ჯერ მოირგო და თავი 8 გოლითაც გამოიჩინა.

მომზადებულია championat-ის მიხედვით