ბომბი-ტრანსფერი აზაროვის ნაცვლად - "ტრაბზონსპორი" მარსელოს უმიზნებს

თურქეთის სუპერლიგის ლიდერი "ტრაბზონსპორი" მარცხენა მცველს ისევ ეძებს. yeniasir-ის თანახმად, მათ შეთავაზება ბომბ-ტრანსფერზე გააკეთეს - მადრიდის "რეალიდან" მარსელოს გადაბირება სურთ და ისინი ბრაზილიელს, რომელსაც "სამეფო კლუბთან" ხელშეკრულება უახლოეს ზაფხულში ეწურება, ყოველწლიურად 2,5 მილიონ ევროს სთავაზობენ.

33 წლის მარსელოს პასუხი ასეთი იყო: "ამ ეტაპზე წინადადებას არ განვიხილავ, სეზონის დასრულების შემდეგ ვისაუბროთ". თავისი ამპლუის ერთ-ერთი საუკეთესო ფეხბურთელი "რეალში" 2007 წლიდან გამოდის. 

თურქული წყარო კიდევ ერთხელ წერს, რომ თურქეთში ჩასული აზაროვის ვერშეძენის მთავარი მიზეზი ბათუმის "დინამოს" ხელმძღვანელობის განახლებული მოთხოვნა იყო, რის გამოც ალტერნატიულ კანდიდატებზე გადაერთნენ.