ოთარ კიტეიშვილის დაბრუნება გადაიდო

30 სექტემბერს ევროპა ლიგაზე პსვ-სთან მატჩში ტრავმირებული "შტურმის" ნახევარმცველი ოთარ კიტეიშვილი მწყობრში იანვარში უნდა ჩამდგარიყო, მაგრამ მისი დაბრუნება გადაიდო, - ამის შესახებ laola1 იტყობინება.

"კიტეიშვილს ტერფის სახსარში ძვლის ტვინის შეშუპება აქვს. რა თქმა უნდა, კიდევ ცოტა ხანი გაუცდება. უკვე გარკვეულია, რომ ის სეზონის სტარტზე გუნდს ვერ დაეხმარება", - განაცხადა გრაცული კლუბის აღმასრულებელმა დირექტორმა ანდრეას შიკერმა.

კიტეიშვილმა ამ სეზონში ავსტრიის ბუნდესლიგის 8 მატჩში 1 გოლი გაიტანა, "შტურმი" კი მეორე ადგილზეა და 12 თებერვალს სტუმრად "ტიროლს" შეხვდება.