ახლა აღარ შემიძლია. ფიზიკურად მანგრევს... ყველაფერი კარგად იქნება თუ არა, არ ვიცი... აღარ მინდა ილუზიაში და თავის მოტყუებაში გავაგრძელო ყოფნა
პოლიტიკა
31-01-2022, 21:38
ახლა აღარ შემიძლია. ფიზიკურად მანგრევს... ყველაფერი კარგად იქნება თუ არა, არ ვიცი... აღარ მინდა ილუზიაში და თავის მოტყუებაში გავაგრძელო ყოფნა
იუმორისტი და ტელეწამყვანი ნიკა ქავთარაძე სოციალურ ქსელში ძალიან ბუნდოვან პოსტს აქვეყნებს და წერს, რომ ახლა ერთი კვირა ჯანმრთლობაზე ზრუნვას უნდა მოახმაროს, რადგან დაიღალა ყველაფრით, დაიღალა მომავალზე ფიქრით და ნერვიულობით... ამბობს, რომ არ გაგვიმართლა, რადგან ამ ქვეყანაში დავიბადეთ, რადგან ყოველთვის შემოსავალზე ვფიქრობთ, არ ვუვლით საკუთარ თავს და ყველაფერზე უარს ვამბობს საარსებო ფულის გულისთვის.
ბოლო ერთი თვე ძალიან ბევრ რამეზე მომიწია ფიქრი, საქმეს და კარიერას ვგულისხმობ.
ასაკი თავისას შვება და ყვეალაფერზე უფრო ვღელავ. რადგან ახლა ბევრად ვღელავ ზოგადად მომავალზე.
ადრე, ადრეულ ახალგაზრდობაში, მეტი რისკის უფლებას ვაძლევდი ჩემს თავს.
ახლა აღქრ შემიძლია. ფიზიკურად მანგრევს მომავლის ბუნდოვანება. იმდენად მხაფრად ვღელავ, რომ ჯანმრთელობაზე დაიწყო ასახვა.
ამიტომ, ახლა ვაპირებ, ერთი კვირა საკუთარ ჯანმრთრლობაზე ზრუნვას მივახმარო. ამ კვირაში, სიმშვიდეც მოვა ალბათ და საქმის მომავალსაც ბევრად მშვიდად განვსაზღვრავ.
ვეცდები ყველას და ყველაფერს ზუსტი შეფასება გავუკეთო და სახელი დავარქვა.
აღარ მინდა ილუზიაში და თავის მოტყუებაში გავაგრძელო ყოფნა.
2022 წელია, წელს 44 წლის ვხდები და ჯერ კიდევ სრულიად ბუნდოვანია რა იქნება, თუნდაც გაისად ამ დროს.
ხოდა, ცოდო ვარ. მიყვარს ჩემი თავი და დიდხანს მინდა ბედნიერი იყოს.
თქვენც ეცადეთ იცოდეთ თქვენი თავის ფასი და არასდროს შეეგუოთ უსამართლობას. პირველივე ასეთ მომენტში იყვირეთ, ხმამაღლა თქვით, რომ ასეთ მოქცევას არ იმსახურებთ.
და თუ არ გატყდებით, ნელნელა ადამიანები პატივს სცემენ თქვენს პრინციპებს და ვერ გაგიბედქვენ იმას, რაც მე ხშირად გავაბედინე გარემოს.
ჩვენ არ გაგვიმართლა, ამ ქვეყანაში მცხოვრებთ - აქ რთულია უარის თქმა შემოსავალზე, სამსახურზე, ფულზე. სწორედ ესაა ხოლმე მიზეზი, რომ თვალს ვხუჭავთ უსამართლობაზე.
ამას ზოგი ადრე ხვდება, ზოგი გვიან, ზოგს სულაც ფეხებზე ჰკიდია.
მაგრამ ეს მართლა მთავარია - საკუთარი თავის დაცვა.
ყველაფერი კარგად იქნება თუ არა არ ვიცი, მაგრამ უკეთესად რომ იქნება - დარწმუნებული ვარ.
უბრალოდ, ახლა თავში ძალიან ძააალიან ბევრი მძაფრი აზრია, რომლებზეც უნდა ვიფიქრო და ისე გავაკეთო საყვარელი საქმე. შეცდომების და არასაჭირო დათმობების გარეშე.
ამისთვის მჭირდება ერთი კვირა და შეიძლება ინტენსიურ კონტაქტზე ვერ ვიყო.
მიყვარხართ და მინდა ერთმანეთის ბედნიერებით ვიყოთ განებივრებულები
კომენტარები