"ძალიან ცუდ დღეში ვარ.....მე მაქვს "ომიკრონი"...ღამე დამეწყო არანორმალური კანკალი, ორგანიზმში რომ შევიდეს ადამიანი და განჯღრიოს ასეთი რამ დამეწყო" - ინგა გრიგოლია
პოლიტიკა
15-01-2022, 20:58
"ძალიან ცუდ დღეში ვარ.....მე მაქვს "ომიკრონი"...ღამე დამეწყო არანორმალური კანკალი, ორგანიზმში რომ შევიდეს ადამიანი და განჯღრიოს ასეთი რამ დამეწყო" - ინგა გრიგოლია
ცნობილი ჟურნალისტი და ტელეწამყვანი ინგა გრიგოლია კორონავირუსის “ომიკრონის” შტამით არის ინფიცირებული.
ამის შესახებ გრიგოლიამ “ტვ პირველის” ეთერში ისაუბრა და აღნიშნა, რომ ის აცრამ დაიცვა.
“ეს არ არის მარტივი ვირუსი. ამ წუთამდე არ ვიცი, ვისგან გადამედო ვირუსი. როგორც ჩანს, შემთხვევით მომენტი იყო, რომ გადამედო. ერთი ვიცი ზუსტად, რომ მე რომ აცრილი არ ვყოფილიყავი გამორიცხული იყო აქ პირდაპირ ეთერში ჩართვა მომეხერხებინა. მე მაქვს ფილტვებთან დაკავშირებული ჯანმრთელობის პრობლემები და ვირუსი ჩემთვის კატასტროფაა.
ვფიქრო, რომ “ომიკრონის” დროს ერთადერთი რამაც დამიცვა, ვაქცინაა. გუშინ გადავიღე კატე და აღმოჩნდა, რომ დაზიანება არ მაქვს. ექიმებმაც მითხრეს, რომ რომ მე რომ ორგზის აცრილი არ ვყოფილიყავი, აქ ჩართვას ვერ მოვახერხებდი. როგორც გითხარით, მე მაქვს “ომიკრონი”. თავიდან რომ გავიგე, საოცარმა პანიკამ ამიტანა, თუმცა სიტუაციას სულ ვაკონტროლებ.
ყველამ ვიცით რა ხდება სამყაროში. ახლა კუდის ქიცინის დრო არ არის. ახლა არ არის ანტივაქსერი ამომრჩევლებისთვის კუდის ქიცინის დრო, ხელისუფლება ვალდებულია მუდმივად მოუწოდოს საზოგადოებას აცრისკენ.
რაც შეეხება სიმპტომებს, ყოველდღე რომ ვიღვიძებ ახალ-ახალი რაღაცები მჭირს. ყნოსვის და გემოს დაკარგვა არ მქონია. ღამე დამეწყო არანორმალური კანკალი. უცებ რომ გაიყინები და არაფერი არ გშველის. მივხვდი რომ ეს არ იყო ჩვეულებრივი ვირუსი. ორგანიზმში რომ შევიდეს ადამიანი და განჯღრიოს ასეთი რამ დამეწყო. შემდეგ იყო ხველება, სუნთქვა დიდად არ გამჭირვებია, თუმცა მერე დაიწყო უცნაური რაღაცები. დღეს რომ გავიღვიძე საერთოდ ვერ ვსუნთქავდი. გაგუდული ვიყავი, სანამ წამალი არ ჩავიწვეთე, ვერ ვსუნთქავდი.
ყოველდღიურად ხან სუნთქვის გაჭედვა გემართება, ხან ყელი მტკივდება. უცნაური ვირუსია, მაგრამ აუცილებელია ამ დროს მოძრაობა. . ექიმებიც ამას მირჩევენ. სახლში მუდმივად საქამს ვაკეთებ, რომ მოძრაობაში ვიყო. ფსიქოლოგიურად ძალიან მხნედ ვარ” – ამბობს გრიგოლია.
კომენტარები
“სამ დღეში ერთხელ წყალი არ მაქვს, ოთხ დღეში...
9-01-2022, 20:57
„ვცვლი ბინას... ამათთვის არც ახალი წელია და არც...
5-01-2022, 02:02