ვინც გადაიტანა კოვიდი იმ ადამიანებს 5-ჯერ აქვთ გაზრდილი რისკი, რომ კვლავ გახდნენ ავად - ბიძინა კულუმბეგოვი

ალერგოლოგ- იმუნოლოგი ბიძინა კულუმბეგოვის თქმით, არსებობს გარკვეული მოსაზრება, რომ ომიკრონის შტამს ვერცერთი ადამიანი ვერ გადაურჩება.

მისი თქმით, გადატანილი ინფექციის მქონე ადამიანებს 5-ჯერ აქვთ გაზრდილი რისკი, რომ კვლავ გახდნენ ავად

„ძალიან დიდი მზაობა და ლოჯისტიკური უზრუნველყოფა სჭირდება ქვეყანას, ერთი მხრივ, საწოლფონდის მობილიზების, მეორე მხრივ, ჰოსპიტალური სექტორის გაძლიერების კუთხით. პირველადი რგოლი, რომელზეც ძალიან დიდი ყურადღება გამახვილდა. ყველა ადამიანმა ამ ტალღის წინ, რომელზეც არის გარკვეული მოსაზრება, რომ ვერც ერთი ადამიანი ამას ვერ გადაურჩება, გადატანილი ინფექციის მქონე ადამიანებს 5-ჯერ აქვთ გაზრდილი რისკი, რომ კვლავ გახდნენ ავად, სამწუხაროდ ორჯერადად ვაქცინირებული ადამიანებიც მაღალი რისკის წინაშე არიან, ყველაზე მეტად დაცული არიან ბუსტერული დოზის მქონე ადამიანები, მათი რიცხვი საქართველოში სამწუხაროდ, 100 ათასს არ აღემატება. ძალიან ვთხოვ ჩვენს მოსახლეობას ვისთანაც გავიდა სამი და მეტი თვე ბოლო ვაქცინიდან, დაიმატეთ დოზა ვაქცინის, ვაქცინა არის ვადიანი, სრულფასოვანი და თქვენ პრაქტიკულად 80-პროცენტიანი გარანტია იმისა, რომ მძიმე დაავადება არ გაგივითარდებათ“, – განაცხადა კულუმბეგოვმა.