ონანამ “ინტერთან” ხუთწლიანი კონტრაქტი გააფორმა

ამსტერდამის “აიაქსის” კიპერმა ანდრე ონანამ მილანის “ინტერში” სამედიცინო შემოწმება წარმატებულად გაიარა და იტალიურ კლუბთან ხუთწლიანი შრომითი ხელშეკრულება გააფორმა, რომელიც ძალაში ზაფხულში შევა. ინფორმაციას ამის შესახებ ავტორიტეტული იტალიელი ჟურნალისტი ფაბრიციო რომანო ავრცელებს.
წყაროს თანახმად, 25 წლის კამერუნელი მეკარის წლიური ანაზღაურება სუფთა სახით სამი მილიონი ევრო იქნება.
ანდრე ონანა “ინტერს” ივლისში თავისუფალი აგენტის სტატუსით შეუერთდება.