"უკრაინა არის მტრული სახელმწიფო, ნაგვები! მათ უფრო მძაფრად უნდა ვუპასუხოთ” - უცნობი

პოლიტიკა

10-04-2022, 21:35

"უკრაინა არის მტრული სახელმწიფო, ნაგვები! მათ უფრო მძაფრად უნდა ვუპასუხოთ” - უცნობი

მომღერალმა და ტელეწამყვანმა, გიგა გაჩეჩილაძემ, იგივე უცნობმა გადაცემაში „იმედი LIVE“-ის ეთერში უკრაინას მტრულად განწყობილი სახელმწიფო უწოდა.

"აქ, 26 მაისს ვინც ბუჩა მოაწყო, ის დანიშნეს დაზვერვის უფროსის მოადგილედ და ყველაფერს განკარგავს, განუბაჟებელი კაცი გამოგვიგზავნა – კაცი საზღვარს რომ გადმოლახავს ისე, რომ ვითომ ის საზღვარი არც არსებულა, ეს რა არის?! იმ ხალხს, ვისაც ჩვენ ვეძებთ, თანამდებობებზე რომ ნიშნავს, ეს რა არის?! ეს მტრული სახელმწიფო არ არის?! მე ხალხსა და იმ მოსახლეობაზე, რომელიც ამ ყველაფერს შეწირულია, ლაპარაკი არ მაქვს. ხალხი ყველას ფეხებზე ჰკიდია და ვისაც ფეხებზე არ ჰკიდია და მშვიდობა უნდათ იმას აქ ებრძვიან", – განაცხადა გია გაჩეჩილაძემ.

მანამდე ეთერში მსოფლიოში ცნობილი ფიზიკოსი, გია დვალი საუბრობდა, რომელმაც თქვა, რომ საქართველოს ხელისუფლებას ირაციონალური შიში აქვს.

"ოპოზიცია ჰქვია იმას, ზურგში რომ დანას ურტყამს?! არესტოვიჩის ინტერვიუ ვნახე, შეგვეძლო, ხალხი გაგვეყანა, ვიცოდით, ომი როდის დაიწყებოდაო და არ გავიყვანეთო, იმიტომ, რომ ტანკები ვერ გაივლიდნენო. თქვენ წარმოგიდგენიათ, უკრაინის ხალხს რა ხელისუფლებასთან უწევს თანაცხოვრება?

გია დვალი რომ იძახის, არაფერი ხდებაო… ეს სიმშვიდე რასაც ვიცავთ, არავის დამსახურებაა?.. უკრაინის უშიშროების მდივანმა თქვა, დაიწყეთ ომიო. ეს როგორ არის არარაციონალური შიში, გია დვალმა მითხრას, რას ჰქვია ირაციონალური შიში. ცხრა მთას იქით რომ ცხოვრობ, ჩამოდი და აქ გააკეთე განცხადებები, მე შეგიშალე ხელი ფიზიკაში?..

უკრაინას უფრო მძაფრად უნდა ვუპასუხოთ. ეს რა უქნიათ! შეეძლოთ გადაერჩინათ მილიონობით ბავშვი… პანიკა რომ არ გამოგვეწვია, არ ვთქვით, ომი როდის იწყებოდაო. ასე აზროვნებენ ნაცებთან ერთად, აქაც ისინი არიან და იქაც. მეცოდება ის ხალხი, ისინი ჩემი დები და ძმები არიან, მაგრამ იქ არანაირი ხელისუფლება არ არის. მათი ხელისუფლება რაცაა, დიდი ხანია, გავშიფრე. მტრული სახელმწიფო არ არის? ყველანი ნაგვები არიან. აბუჩად იგდებენ ხალხს. არც ერთი პროპაგანდის არ მჯერა", - აცხადებს გია გაჩეჩილაძე.