დაასრულებს თუ არა კარიერას მატა სეზონის ბოლოს?

ხუან მატამ განაცხადა, რომ აპირებს ფეხბურთის თამაშის გაგრძელებას ამ სეზონის დასრულების შემდეგ. ესპანელ ფეხბურთელს ამ თვეში 34 წელი შეუსრულდა და მისი კონტრაქტი "იუნაიტედთან", რომელიც გასულ ზაფხულს ერთი სეზონით გაუხანგრძლივეს, ივნისში იწურება.
"ამ სეზონში არ ვითამაშე იმდენი, რამდენიც მინდოდა და ძალიან მომენატრა ფეხბურთი. მე მსიამოვნებს თანაგუნდელებთან ერთად ვარჯიში და ძალიან მინდა ვაჩვენო, რომ შემიძლია თამაშით სიამოვნება მივიღო".
"მენატრება, მაქვს ვნება და სურვილი, გავაგრძელო ფეხბურთით ტკბობა. ჩემი ოცნება ასრულდა, როდესაც პროფესიონალი ფეხბურთელი გავხდი, ამიტომ მინდა, რაც შეიძლება დიდხანს გავაგრძელო თამაში".
"სიმართლე გითხრათ, თავს კარგად ვგრძნობ როგორც ფიზიკურად, ასევე მენტალურად. რა თქმა უნდა, Common Goal-ში მივიღებ მონაწილეობას, რადგან ეს აქტივობა სცდება ფეხბურთის ფარგლებს", - განაცხადა მატამ.