"გთხოვთ, მოეშვით", - ხავიმ ატლეტიკოსთან მოგების შემდეგ ბარსას ქომაგებს თხოვნით მიმართა

„ატლეტიკოსთან“ მოპოვებული გამარჯვების (4:2) შემდეგ, ხავიმ გულშემატკივრებს მიმართა.

ესპანელი სპეციალისტი თავისი გუნდის ქომაგებს სთხოვს, რომ უსმან დემბელეს მიმართ სტვენას მოეშვან. „კულეები“ ფრანგს უკმაყოფილებას ღიად გამოუთქვამენ იმის გამო, რომ ის გუნდთან კონტრაქტს არ აფორმებს და დიდი ალბათობით, ზაფხულში თავისუფალი აგენტის სტატუსით წავა.

„მინდა გულშემატკივრებს ვთხოვო, დემბელეს მიმართ სტვენას მოეშვან. ის ჩვენი გუდნის ერთ-ერთი წევრია.
 
დღეს მათ ეს გააკეთს და ახლა, გთხოვთ გაჩერდეთ. ჩვენ გუნდი და საკუთარი ფეხბურთელები უნდა დავიცვათ.“ - ციტირებს ხავის სიტყვებს ჟურნალისტი ფაბრიციო რომანო. 

დემბელეს „ბარსელონასთან" კონტრაქტი 2022 წლის ზაფხულში ეწურება, ის გუნდში 2017 წელს დორტმუნდის „ბორუსიადან" გადავიდა.