ზეიმი ბათუმში - დინამო ბათუმმა საჩემპიონო ფარი ჩაიბარა

ზეიმი ბათუმში - დინამო ბათუმმა საჩემპიონო ფარი ჩაიბარა

ახალი ამბები / ფეხბურთი
4-12-2021, 00:47



2021 წლის 3 დეკემბერი - ეს თარიღი დინამო ბათუმის ისტორიაში სამუდამოდ, ოქროს ასოებით ჩაეწერა, რადგან კლუბმა საქართველოს ჩემპიონის ფარი პირველად ჩაიბარა და ეს ყველაფერი საკუთარი, ერთგული გულშემატკივრის თვალწინ მოხდა.
 
გია გეგუჩაძის გუნდმა ჩემპიონობა ჯერ კიდევ წინა ტურში გაიფორმა, ამჯერად კი ნანატრი ზეიმის დრო დადგა, რადგან აჭარული გუნდი საქართველოს ჩემპიონი ისტორიაში პირველად გახდა.
 
არჩილ ბერიძე (დინამო ბათუმის პრეზიდენტი)
“უბედნიერესი ადამიანი ვარ - დინამო ბათუმის ჩემპიონობა ჩემი ოცნება და ამ ქალაქის დიდი ხნის მიზანი იყო. ყველას, ვისაც ჩვენი გაჩემპიონება გაუხარდა, მივულოცავ ამ გამარჯვებას და დაე, ეს დაწერილი ისტორია მომავალი ისტორიის საწინდარი იყოს.

4 დეკემბერს, ბათუმმში გრანდიოზული საზეიმო აღნიშვნა გვექნება. გპირდებით, რომ ქართული ფეხბურთის ისტორიაში ეს თარიღი დაუვიწყარი დღე გახდება, თამაშის შემდეგ გვექნება ლაზერშოუ, დიდი კონცერტი, გულშემატკივრებს დასამახსოვრებელ საღამოს ვპირდებით.

ხაზი მინდა გავუსვა იმას, რომ "ევროპაბეთი" ამ წარმატების მონაწილე თანაბრადაა. ამ კომპანიამ დინამო ბათუმის გაჩემპიონებაში უდიდესი წვლილი შეიტანა. ამას არ დავივიწყებ და მთელი ჩემი დარჩენილი ცხოვრება მადლობელი ვიქნები! აქამდეც მითქვამს, რომ "ევროპაბეთმა" და "პოპსპორტმა" ამ გუნდის ისტორიის დაწერაში უდიდესი როლი შეასრულეს. "ევროპაბეთმა" აჩვენა, თუ როგორ შეიძლება ვაქციოთ იდეა წარმატებად."

 
დინამო ბათუმმა დამოუკიდებელი ქართული ფეხბურთის ისტორიაში მეორე ტიტული მოიპოვა - 1998 წელს თასზე გამარჯვებას, 2021 წელს ჩემპიონატის ოქროს მედლები დაუმატა. ტრიუმფალურ სეზონში ბათუმელებმა ბოლო წლების მთავარ მეტოქე დინამო თბილისს 4-დან 3 მატჩი მოუგეს.
ისტორიულ ჩემპიონობაში ბათუმელ გულშემატკივრებს, "შავი ზღვის პირატებს" უდიდესი წვლილი მიუძღვით, რაც კარგად ჩანს სატურნირო ცხრილიდან: დინამო ბათუმმა საკუთარ მოედანზე დინამო თბილისზე 5 ქულით მეტი მოიპოვა და სწორედ ეს აღმოჩნდა გადამწყვეტი საჩემპიონო ბრძოლაში. ქვეყნის დამოუკიდებლობის 30 წლის განმავლობაში, საქართველოს ჩემპიონობა აქამდე 9 გუნდს ჰქონდა მოპოვებული, დინამო ბათუმი კი საქართველოს მე-10 ჩემპიონია.
ევროპაბეთი დინამო ბათუმს ჩემპიონობას ულოცავს




“ერთად ვწერთ ისტორიას” - დინამო ბათუმის და მისი გენერალური სპონსორის, კომპანია “ევროპაბეთი” თანამშრომლობა 2019 წლის ზაფხულში სწორედ ამ იდეით დაიწყო. დღეს, თანამშრომლობის დაწყებიდან 3 წლის შემდეგ, მთავარი მიზანი მიღწეულია: ისტორია დაწერილია - დინამო ბათუმი საქართველოს ჩემპიონი გახდა.


კომენტარები
ფეხბურთის დღესასწაული ბათუმში - საჩემპიონო სვლა, ფანების პერფორმანსი
ფეხბურთის დღესასწაული ბათუმში - საჩემპიონო სვლა,...
4-12-2021, 19:53
"ანანიძის საწვრთნელ პროცესში სრულფასოვნად ჩართვა შეუძლებელი იყო" - თბილისის "დინამო" განცხადებას ავრცელებს
"ანანიძის საწვრთნელ პროცესში სრულფასოვნად ჩართვა...
4-12-2021, 01:22
არჩილ ბერიძე: “ჩემს ცხოვრებაში საუკეთესო დღეა!”
არჩილ ბერიძე: “ჩემს ცხოვრებაში საუკეთესო დღეა!”...
29-11-2021, 01:24
დღეს არის ერთ-ერთი ყველაზე შავი დღე საქართველოს უახლეს ისტორიაში – მიხეილ სააკაშვილი
დღეს არის ერთ-ერთი ყველაზე შავი დღე საქართველოს...
16-09-2021, 20:12
დინამო ბათუმის აკადემიის 17 წლის ფეხბურთელი, დიმა შიტაკაშვილი გარდაიცვალა
დინამო ბათუმის აკადემიის 17 წლის ფეხბურთელი, დიმა...
1-08-2021, 17:53
"სალომე ზურაბიშვილმა გადაწყვეტილება მიიღო, რის თანახმადაც...." - პრეზიდენტი დუმილს არღვევს
"სალომე ზურაბიშვილმა გადაწყვეტილება მიიღო, რის...
11-12-2020, 12:02
лучший сайт где можно скачать шаблоны для dle 12.0 бесплатно