"ქართველები - ხალხი, რომლებიც ფეხბურთს აღმერთებენ" - "რუბინის" ექს-მწვრთნელი ხვიჩაზე, ბექაზე, ზურიკოსა და ნიკაზე

"ქართველები - ხალხი, რომლებიც ფეხბურთს აღმერთებენ" - "რუბინის" ექს-მწვრთნელი ხვიჩაზე, ბექაზე, ზურიკოსა და ნიკაზე

ახალი ამბები / ფეხბურთი
1-12-2021, 01:27



"რუბინის" ყოფილმა მწვრთნელმა რომან შარონოვმა "БИЗНЕС Online"-სთან ვრცელ ინტერვიუში ყოფილი შეგირდების და მათ შორის ხვიჩა კვარაცხელიას შესახებ ისაუბრა.

- მოდით, "რუბინში" თქვენი მუშაობა გავიხსენოთ. პირველ რიგში ხვიჩა კვარაცხელია გვაინტერესებს. ახლა ის ლიდერია, თქვენს დროს კი სრულად მხოლოდ ორი მატჩი ჩაატარა. რატომ თამაშობდა ქართველი ასე ცოტას?
- შეგიძლიათ ხვიჩას ჰკითხოთ, დავინახე თუ არა მისი პოტენციალი. დააზუსტეთ მასთან, რაზე ვლაპარაკობდით.

- და რაზე?
- მე მას ვეუბნებოდი, რომ ევროპის კლუბში მოსხვედრად დიდი პოტენციალი აქვს, მაგრამ ამისათვის დიდი სამუშაო უნდა შეესრულებინა. ეს მხოლოდ ბურთით მის

თამაშს არ ეხებოდა. რატომ თამაშობდა ცოტას: ბევრ ისეთ გადწყვეტილებებს იღებდა, რომლებიც გუნდისთვის სასარგებლო არ იყო. ხვიჩას თამაშის სტაბილურობის ამაღლებს სჭირდება. აგრეთვე შედეგიანობას უნდა მოუმატოს.

- მაშინ "რუბინში" ქართველთა დიდი დიასპორა იყო. ეს ურთიერთობის მხრივ რაღაც პრობლემას წარმოადგენდა?
- სირთულე მხოლოდ ერთი გახლდთ: ხვიჩა და ბექა (მიქელთაძე) რუსულად საერთოდ ვერ ლაპარაკობდნენ. ეს იყო სირთულე კომუნიკაციასა და საუბარში. არ ვიცი, რამდენად ესმოდათ ჩემი. დიახ, არის საფეხბურთო სლენგები, მაგრამ ჩემთვის უფრო ადვილია რუსულად მოლაპარაკე ფეხბურთელს ავუხსნა, ხოლო ქართველებთან უფრო რთული იყო.

- მაგრამ ხომ არის თარჯიმანი?
- დიახ, მაგრამ ეს სულ სხვაა. არაპირდაპირი კონტაქტია. მწვრთნელისგან ინფორმაცია გაჩხაკუნებასავით მიდის, ხოლო სანამ ის ამას გადაუთარგმნის, უკვე გვიანი იქნება. ამიტომ ვცდილობდით ერთი-ერთზე გვესაუბრა. რაღაც მომენტში მე ვთქვი, რომ თარჯიმანს მხოლოდ საყოფაცხოვრებო საკითხებში გამოვიყენებდი. საფეხბურთო საკითხებში მათ თავად მართებდათ ნათქვამის გაგება. სწორედ ეს გამოვცადე, როდესაც კვიპროსში ვიყავი.

- იმ ქართველების სათამაშო დონე კითხვებს ბადებდა: ბექაც და ყიფიანიც საბოლოოდ რუსეთის პრემიერლიგის მიღმა აღმოჩნდნენ. იქმნება შთაბეჭდილება, რომ ვიღაც ქართველთაგან ხვიჩას "დანაწონად" მოვიდა.
- ეს კითხვა მე არ მეკუთვნის. არ ვიცი, როგორ ხორციელდებოდა ტრანსფერები. მე მაძლევდნენ ფეხბურთელებს, რომლებიც გუნდში იყვნენ. დიახ, ვეუბნებოდი, თუ რომელი პოზიციის გაძლიერება იყო საჭირო, ეს დიალოგის პროცესში ხდებოდა, მაგრამ გადაწყვეტილებებს მე არ ვიღებდი. რაც შეეხება ამ მოთამაშეებს: ყველა ფეხბურთელს აქვს საუკეთესო თვისებები, რომელთა გამოყენება შეიძლება. ბექაზე საუბრისას, მის სისწრაფეს აღვნიშნავ. ყოველთვის უნდოდა ბურთი, ამიტომ უკან ღრმად ჩადიოდა და არ გარბოდა ზურგსუკან. ტექნიკურად ის კარგადაა აღჭურვილი.

ნიკაც (ყიფიანი) სამწუხაროდ, არ გვაძლევდა დონით იმის უფლებას, რაც უფრო მეტი თამაშის საშუალებას მისცემდა. შემტევია, მის პოზიციებზე კი, სადაც შეეძლო ეასპარეზა, კონკურენტები სჯობნიდნენ. პაშა მოგილევეცი და სლავა პედბერეზკინი უფრო ძლიერები იყვნენ. საერთოდ კი თამაშისადმი დამოკიდებულების მხრივ არც ბექას, არც ყიფიანის, არც ხვიჩას და არც ზურიკოს (დავითაშვილი) მიმართ მე კითხვები არ მქონდა. ისინი ქართველები არიან - ხალხი, რომლებიც ფეხბურთს აღმერთებენ.

კომენტარები
"რუბინის" ექს მწვრთნელმა ხვიჩასა და ზურიკოზე ისაუბრა და შეაქო
"რუბინის" ექს მწვრთნელმა ხვიჩასა და ზურიკოზე...
26-11-2021, 01:25
лучший сайт где можно скачать шаблоны для dle 12.0 бесплатно