სანიოლი: გვსურს, ქართველი გულშემატკივრი ნაკრებით ამაყობდეს

სანიოლი: გვსურს, ქართველი გულშემატკივრი ნაკრებით ამაყობდეს

ახალი ამბები / ფეხბურთი
12-10-2021, 01:20



საქართველოს ეროვნული ნაკრები მსოფლიო ჩემპიონატის საკვალიფიკაციო ეტაპის მეშვიდე შეხვედრას 12 ოქტომბერს გამართავს. ვილი სანიოლის გუნდი პრიშტინაში დღეს ჩავიდა და კოსოვოსთან მატჩამდე ბოლო ვარჯიში ჩაატარა. შეხვედრის მასპინძელ სტადიონზე საწვრთნელი პროცესი ძლიერი წვიმის ფონზე ერთი საათი გაგრძელდა.

პრიშტინაში ჩვენი გუნდი 21 ფეხბურთელის შემადგენლობით იმყოფება. საქართველოს ნაკრებს კოსოვოს წინააღმდეგ შეხვედრაში გიორგი ჩაკვეტაძე ვერ დაეხმარება. ფეხბურთელმა გუნდთან ერთად გამგზავრება სასუნთქი გზების მწვავე ინფექციის ნიშნების გამო ვერ შეძლო.

ფადილ ვოკრის სტადიონზე საწვრთნელი პროცესის დაწყებამდე საქართველოს ეროვნული ნაკრების მთავარმა მწვრთნელმა ვილი სანიოლმა პრესკონფერენცია გამართა:

"სექტემბერში კოსოვოსთან

დავმარცხდით, ეს ჩვენთვის საკმაოდ რთული მომენტი იყო, საშინაო მატჩში ყველა განსხვავებულ შედეგს ელოდა. რაც შეეხება ხვალინდელ შეხვედრას, მსურს, რომ ჩემი ფეხბურთელები ისე განეწყონ თამაშისთვის , როგორც ეს კოსოვოელებმა ბათუმში მოახერხეს. გვსურს, ქართული ფეხბურთი საუკეთესო კუთხით წარმოვაჩინოთ. პირველ შეხვედრაში განცდილი მარცხი ჯერაც ვერ დავივიწყეთ და შევეცდებით ეს გამოვასწოროთ.

საბერძნეთის წინააღმდეგ რთული შეხვედრა გამოვიდა, თუმცა ამ მატჩში უკეთესად გამოვიყურებოდით, ვიდრე ეს სექტემბერში კოსოვოს წინააღმდეგ იყო. სამწუხაროდ, ბოლო წუთებზე ჩვენს კარში პენალტი მივიღეთ. მიუხედავად ამ ყველაფრისა, ხვალინდელ შეხვედრაში მოედანზე პოზიტიური განწყობით უნდა გავიდეთ. ყველა მატჩში ვცდილობთ, რომ მოედანზე საუკეთესო შემადგენლობით ვიყოთ და ქართველი ხალხი გავახაროთ. ასევე გვსურს,რომ ქართველი გულშემატკივარი ამაყობდეს საკუთარი ქვეყნის ნაკრებით."

კოსოვოსა და საქართველოს ეროვნულ ნაკრებთა დაპირისპირება 12 ოქტომბერს პრიშტინას ფადილ ვოკრის სახელობის სტადიონზე თბილისის დროით 22:45 საათზე დაიწყება. მატჩის პირდაპირ რეპორტაჟს საქართველოს პირველი არხი შემოგთავაზებთ.


კომენტარები
მორიგი დანაკლისი - საქართველოს ნაკრებს კოსოვოსთან მატჩში ერთ-ერთი ლიდერი ვერ დაეხმარება
მორიგი დანაკლისი - საქართველოს ნაკრებს კოსოვოსთან...
12-10-2021, 01:18
საქართველოს ნაკრებმა სრული შემადგენლობით ივარჯიშა
საქართველოს ნაკრებმა სრული შემადგენლობით ივარჯიშა...
7-10-2021, 01:32
"ის, რაც ჩაკვეტაძეს მოუვიდა, უიღბლობაა," - გენტის მწვრთნელი გიოს გაძევებაზე
"ის, რაც ჩაკვეტაძეს მოუვიდა, უიღბლობაა," - გენტის...
4-10-2021, 01:09
ოფიციალურად: ჩაკვეტაძე გამოტოვებს ანორთოსისთან მატჩს, თუმცა მისი ტრავმა სერიოზული არ არის
ოფიციალურად: ჩაკვეტაძე გამოტოვებს ანორთოსისთან...
30-09-2021, 10:30
ვილი სანიოლმა ბულგარეთში ვაკო ყაზაიშვილი არ წაიყვანა
ვილი სანიოლმა ბულგარეთში ვაკო ყაზაიშვილი არ...
7-09-2021, 04:44
ბენზემა: ,,საფრანგეთისთვის მსოფლიო ჩემპიონატზე ვერმოხვედრის საშიშროება არ არსებობს”
ბენზემა: ,,საფრანგეთისთვის მსოფლიო ჩემპიონატზე...
7-09-2021, 04:39
лучший сайт где можно скачать шаблоны для dle 12.0 бесплатно