ჩრდ. მაკედონიასთან მატჩის წინ ხვიჩა კვარაცხელიას კორონავირუსი დაუდასტურდა

საქართველოს ნაკრების ფეხბურთელს ხვიჩა კვარაცხელიას კორონავირუსი დაუდასტურდა. ამის შესახებ ინფორმაციას ფეხბურთის ფედერაციაში ადასტურებენ.

სამწუხაროდ, ეს იმას ნიშნავს, რომ ეროვნული გუნდის ახალგაზრდა შემტევი ჩრდ. მაკედონიასთან, ერთა ლიგის D დივიზიონის ფინალში გასამართ მატჩში მონაწილეობას ვერ მიიღებს.

გარცელებული ინფორმაციით, მასთან ერთად COVID-19-ით ინფიცირებულია საქართველოს ნაკრების კიდევ ერთი ფეხბურთელი, ლევან შენგელია, თუმცა ამის შესახებ ინფორმაცია ჯერჯერობით არ დასტურდება.

შეგახსენებთ, რომ ხვალ საქართველოს ფეხბურთელთა ნაკრები უეფას ერთა ლიგის ფლეი-ოფის ფინალში „დინამო არენაზე“ ჩრდ. მაკედონიის ნაკრებს შეხვდება.